25 лет
Минск
Часто путешествуете? Дзякуючы вучобе ў Польшчы, вандраваць атрымліваецца даволі шмат, але не так далека, як хацелася б.
Какое у вас образование? Сярэдне-спецыяльную адукацыю атрымаў у вучэльні імя Глебава, у бліжэйшы час планую абараніць дыплом у Торуні (Польшча) па спецыяльнасці жывапіс.
Чем зарабатываешь на жизнь? Зараз працую ў майстэрні, дзе займаюся дэкаратыўнымі замовамі – для мяне гэта пасіўны спосаб вывучыць цікавыя матэрыялы, паспрабаваць моцы ў тэхніках, пра якія нават не ведаў. Але доўга тут не затрымаюся. Спрабую зарабляць праз фрыланс – ілюстрацыі, стокі, замовы.
Кем ты себя считаешь? Мастак
Продавали ли свои работы? Час ад часу бывае, але ў большасьці сваёй гэта невялікія працы, якія не каштуюць шмат грошаў і не маюць для мяне такога значэння, каб я мог ганарыцца тым фактам, што мая праца знаходзіцца ў калекцыі пэўнага чалавека.
Идеальная модель существования? Атрымліваць задавальненьне ад стомленасці.
Насколько репрезентативны работы на выставке? Зрабіць першасную выснову па маіх працах на “Структурызацыі” магчыма, але не ўпэўнены, што выснова будзе цэласнай і поўнавартасцевай. Я часта эксперыментую, выкарыстоўваю новыя тэхнікі і матэрыялы. Я не задаюся мэтай быць пазнавальным з працы ў працу, але гэта непазбежны складнік шчырай творчасці. На выставе прадстаўлены два мае творы, якія спалучылі адразу некалькі маіх ўлюбеных тэхнік, а таму гэта даволі паказальныя рэчы. Але я не ўпэўнены, ці будуць назаўтра тыя ж сродкі для мяне актуальнымі, ці будуць адпавядаць маім новым патрэбам. Таму пакіну пытанне пра высновы для позірка звонку.
В какой традиции работаешь? Выбраў для сябе прыём, калі мастак штучна стварае межы ў выбары сродкаў. Гэтым абмежаваньнем для мяне з’яўляецца слова жывапіс, магчыма, жывапіснасць.
Считаешь себя частью какой-то общности? Такога кшталту цэтлікі добра ставіць праз пэўны кавалак часу і, пажадана, на адлегласьці. Хацеў бы сябе лічыць свабодным ад умоў ды катэгорый, але ўжо цяпер можна зрабіць пэўныя высновы, бо трапляю ў праекты такога кшталту з абагульненнем «маладыя мастакі». Можна было б яшчэ назваць мяне часткай беларускай моладзі з актыўнай грамадскай пазіцыяй, бо маю схільнасць паглыбляцца ў палітычныя, сацыяльныя ды гістарчна-культурныя з’явы.
Назови несколько любимых художников? Любімыя мастакі засталіся ў мінулым. Цяпер мая цікаўнасць больш падобна на метадычнае вывучанне, чым на захапленне. Я спрабую зразумець, якую мастацкую стратэгію выбірае сабе аўтар у асобна ўзятай працы. Гартаў старонкі каталога па сучасным мастацтве ды спыніўся на прозвішчы Francis Alys. Апошні раз на выставе ўразіла агромністае жывапіснае палатно Peter Doig.
Последнее яркое впечатление (книга, фильм, музыка)? Замовіў сабе кнігу Барыса Гройса ”Палітыка паэтыкі”, чытаў вытрымкі з яе – тое, што зараз трэба . Вось што наконт кіно ды музыкі, то сапраўды даўно не хадзіў на такія мерапрыемствы, дзякуй што нагадаў.
Фото — Маша Святогор